Самарқанд вилояти прокурорига 114 та мурожаат тушди
Аҳоли билан бевосита ва очиқ мулоқотни таъминлаш, мавжуд муаммоларни аниқлаш ҳамда уларни жойида бартараф этиш юзасидан тезкор чоралар кўриш мақсадида 3 апрель куни Самарқанд вилояти прокуратураси раҳбарияти Иштихон туманида сайёр қабул ўтказди.
Шу куни вилоят прокурори Ф.Зуфаровга аҳоли томонидан 114 та мурожаат бўлди.
Мурожаатларнинг 8 таси жойида ҳал этилиб, 2 нафар фуқаро ишга жойлаштирилди, 2 нафар фуқарога ногиронлик аравачаси ажратиб берилди.
Ижтимоий-иқтисодий масалалар, суд қарорлари, суриштирув ва тергов ишларига оид қолган 106 мурожаат назоратга олинди.
