Самарқандда 5,2 миллиард сўмдан зиёд ноқонуний заргарлик буюмлари ушлаб қолинди
Жорий йилнинг 9 ойи давомида вилоят божхона бошқармаси томонидан мамлакатимизга божсиз олиб кириш меъёридан ортиқча, қиймати 5,2 миллиард сўмдан зиёд, оғирлиги 10,1 килограмм ноқонуний тилла ва бошқа заргарлик буюмлари тўхтатиб қолинган.
Бу кўрсаткич ўтган йилнинг шу даврига нисбатан 8,2 килограммга ошган.
"Эслатиб ўтамиз, амалдаги қонунчиликка кўра, жисмоний шахслар божхона чегараси орқали божхона тўловларисиз умумий оғирлиги 65 граммдан кўп бўлмаган қимматбаҳо металлар ва қимматбаҳо тошлардан заргарлик буюмларини олиб киришлари мумкин", дейилади бошқарма хабарида.
