Samarqandda 5,2 milliard so‘mdan ziyod noqonuniy zargarlik buyumlari ushlab qolindi
Joriy yilning 9 oyi davomida viloyat bojxona boshqarmasi tomonidan mamlakatimizga bojsiz olib kirish me’yoridan ortiqcha, qiymati 5,2 milliard so‘mdan ziyod, og‘irligi 10,1 kilogramm noqonuniy tilla va boshqa zargarlik buyumlari to‘xtatib qolingan.
Bu ko‘rsatkich o‘tgan yilning shu davriga nisbatan 8,2 kilogrammga oshgan.
"Eslatib o‘tamiz, amaldagi qonunchilikka ko‘ra, jismoniy shaxslar bojxona chegarasi orqali bojxona to‘lovlarisiz umumiy og‘irligi 65 grammdan ko‘p bo‘lmagan qimmatbaho metallar va qimmatbaho toshlardan zargarlik buyumlarini olib kirishlari mumkin", deyiladi boshqarma xabarida.
