O‘zbekistonga bir kishi qancha miqdorda tilla taqinchoq olib kirishiga ruxsat berilgan?
Samarqand viloyati bojxona boshqarmasi ma’lumotiga ko‘ra, jismoniy shaxslar bojxona chegarasi orqali bojxona to‘lovlarisiz umumiy og‘irligi 65 grammdan ko‘p bo‘lmagan qimmatbaho metallar va qimmatbaho toshlardan zargarlik buyumlarini olib kirishlari mumkin.
Mazkur qoida O‘zbekiston Respublikasi Prezidentining 2018 yil 6 fevraldagi “Jismoniy shaxslar tomonidan bojxona chegarasi orqali tovarlarni olib o‘tishni yanada tartibga solish chora-tadbirlari to‘g‘risida”gi qarori bilan tartibga solingan.
