Самарқандда трамвайлар аҳолига хизмат кўрсатишни бошлади
Самарқанд шаҳри "сариқ" ҳудуд бўлгани боис автобусларнинг маълум қисми ҳаракатланмоқда. Эндиликда Сартепа-Темирйўл вокзали оралиғида ҳаракатланувчи трамвай ҳам йўловчиларнинг узоғини яқин қилишга киришди.
- Аввал 10 та трамвай вагони йўлга чиқарилган бўлса, ҳозирда 6 таси аҳолига хизмат кўрсатмоқда, - дейди Трамвай линиясидан фойдаланиш бўйича давлат корхонаси дирекцияси раҳбари Файзулла Муртазоев. – 6 та захира трамвай бор. Албатта, улар карантин қоидаларига амал қилган ҳолда темирйўл вокзали бекатидан ҳаракатни бошлаганда ҳамда Сартепа бекатига етиб борганда тўлиқ дезинфекция қилинмоқда.
