Samarqandda tramvaylar aholiga xizmat ko‘rsatishni boshladi
Samarqand shahri "sariq" hudud bo‘lgani bois avtobuslarning ma’lum qismi harakatlanmoqda. Endilikda Sartepa-Temiryo‘l vokzali oralig‘ida harakatlanuvchi tramvay ham yo‘lovchilarning uzog‘ini yaqin qilishga kirishdi.
- Avval 10 ta tramvay vagoni yo‘lga chiqarilgan bo‘lsa, hozirda 6 tasi aholiga xizmat ko‘rsatmoqda, - deydi Tramvay liniyasidan foydalanish bo‘yicha davlat korxonasi direksiyasi rahbari Fayzulla Murtazoyev. – 6 ta zaxira tramvay bor. Albatta, ular karantin qoidalariga amal qilgan holda temiryo‘l vokzali bekatidan harakatni boshlaganda hamda Sartepa bekatiga yetib borganda to‘liq dezinfeksiya qilinmoqda.
