"Temiryo‘l vokzali - Siyob bozori" yo‘nalishdagi tramvaylar harakati vaqtincha to‘xtatildi
Bugun, 7 iyundan boshlab "Temiryo‘l vokzali - Siyob bozori" yo‘nalishidagi elektr tayanch ustunlarini bo‘yash ishlari rejalashtirilgan.
Shu munosabat bilan mazkur yo‘nalishdagi tramvaylar harakati bo‘yash-obodonlashtirish ishlari yakuniga qadar to‘xtatildi.
Viloyat transport boshqarmasi axborot xizmati tramvay harakati to‘xtagan vaqtda Temiryo‘l vokzali hududidan Siyob bozorigacha 12, 37, 71, 256-shahar avtobus yo‘nalishidagi transport vositalaridan foydalanish mumkinligini ma’lum qilgan.
