Устозлар байрами туризм марказидаги Конгресс-холлда ўтказилади
Давлатимиз раҳбари ташаббуси билан 1 октябрь – “Ўқитувчи ва мураббийлар куни” куни муносабати билан Самақанддаги Конгресс-холлда байрам бўлиб ўтади.
Тадбир доирасида юртимизнинг барча ҳудудларидан келган меҳмонлар Самарқанднинг диққатга сазовор жойларини ҳам бориб кўришади, тарихий обидалар бўйлаб махсус сайёҳатлар ташкил этилади. Шунингдек, “Боқий шаҳар” мажмуаси ҳам ташриф буюрувчилар эътиборидан четда қолмайди.
Тадбирни юқори савияда ўтказиш учун барча ташкилий масалалар, хусусан, республикадан ташриф буюрадиган иштирокчиларни темирйўл вокзалида тантанали кутиб олиш, уларни комплексдаги замонавий меҳмонхоналарга жойлаштириш, санитария-гигиена ва хавфсизлик бўйича зарур чоралар кўрилган.
Бу Президентимизнинг барча ўқитувчи ва педагоглар, устозларга бўлган юксак ҳурмати ифодасидир.
