СамИСИ ходимлари бир кунлик иш ҳақини "Меҳр-шафқат ва саломатлик» жамоат фондига ўтказиб берди
Бугун ҳаммани бир қадар ўй, ташвиш ва қўрқувга солиб қўйган эпидемик вазиятда, халқимиз бирдамлиги, хайрихоҳлиги жуда муҳим.
Самарқанд иқтисодиёт ва сервис институтининг 225 нафардан ортиқ профессор-ўқитувчилар ва ишчи-ходимлари юртимизда коронавирус пандемиясига қарши кўрилаётган чора-тадбирларга ўз ҳиссасини қўшиш мақсадида бир кунлик иш ҳақларини «Меҳр-шафқат ва саломатлик» жамоат фондига беғараз ёрдам тариқасида ўтказдилар.
Албатта, бу беғараз ёрдам денгиздан томчи бўлиши мумкин, аммо чин дилдан берилган ва кўнгилдан чиқарилган ҳар қандай хайрия, у моддийлик қийматига эга бўладими ёки меҳр-муҳаббат бўладими Аллоҳ баракаси билан қўшиб беради.
Шоҳруҳ ЖАЛИЛОВ.
