SamISI xodimlari bir kunlik ish haqini "Mehr-shafqat va salomatlik» jamoat fondiga o‘tkazib berdi

Bugun hammani bir qadar o‘y, tashvish va qo‘rquvga solib qo‘ygan epidemik vaziyatda, xalqimiz birdamligi, xayrixohligi juda muhim.

Samarqand iqtisodiyot va servis institutining 225 nafardan ortiq professor-o‘qituvchilar va ishchi-xodimlari yurtimizda koronavirus pandemiyasiga qarshi ko‘rilayotgan chora-tadbirlarga o‘z hissasini qo‘shish maqsadida bir kunlik ish haqlarini «Mehr-shafqat va salomatlik» jamoat fondiga beg‘araz yordam tariqasida o‘tkazdilar.

Albatta, bu beg‘araz yordam dengizdan tomchi bo‘lishi mumkin, ammo chin dildan berilgan va ko‘ngildan chiqarilgan har qanday xayriya, u moddiylik qiymatiga ega bo‘ladimi yoki mehr-muhabbat bo‘ladimi Alloh barakasi bilan qo‘shib beradi.

Shohruh JALILOV.