Танзила Норбоева эртага Японияга жўнаб кетади
Ўзбекистон Республикаси Олий Мажлиси Сенати раиси Танзила Норбоева жорий йилнинг 22-24 октябрь кунлари Японияга ташриф буюради, дея хабар беради Сенатнинг ахборот хизмати.
Ташриф доирасида Япония парламенти Маслаҳатчилар палатаси президенти А.Санто билан музокаралар ҳамда қатор икки томонлама учрашувлар ўтказилиши режалаштирилган.
Ўзбекистон Республикаси Олий Мажлиси Сенати раиси Япониянинг янги императори Нарухитонинг тахтга ўтириши муносабати билан ўтказиладиган тантанали маросимда иштирок этади.
