ТДАУ Самарқанд филиалида “Фермерлар мактаби” ўқув курси очилади
Жорий йилнинг 17-21 май кунлари Тошкент давлат аграр университети Самарқанд филиалида “Фермерлар мактаби” ўқув курсига қабул қилиш бўйича суҳбат жараёни бўлиб ўтди.
Мазкур лойиҳа доирасида филиалда 2 ойлик ўқув курси ташкил этилади.
“Фермерлар мактаби”га қабул қилинган тингловчилар “Чорвачилик”, “Паррандачилик”, “Сабзавотчилик ва полизчилик” ҳамда “Иссиқхона хўжалиги” йўналишлари бўйича бир ой назарий ва бир ой амалий таҳсил оладилар.
“Фермерлар мактаби” ўқув курсига 18 ёшдан 35 ёшгача бўлганлар, маълумотидан қатъий фуқаролар назар қабул қилинади. 3 та ҳудуддан, яъни Самарқанд, Бухоро ва Навоийдан 10 нафардан жами 30 нафар тингловчи қабул қилинади. Ҳар 2 ойда тингловчилар қабул қилиниб, курс якуни бўйича сертификатга эга бўладилар.
Тингловчиларнинг ўқиш, ётоқхона ва овқатланиш харажатлари "Агробанк" АТБ томонидан молиялаштирилади.
Тошкент давлат аграр университети Самарқанд филиали ахборот хизмати.
