Ургут туманида 16 ёшли набира қўлбола тайёрланган тузламадан заҳарланиб, вафот этди
2019 йил 23 февраль куни Самарқанд вилоятининг Ургут туманида яшовчи Р.С.(исмли аёл) оила аъзолари билан кечки пайт уй шароитида тайёрланган помидор ва бодринг маҳсулотларидан тайёрланган салат (маринованные)ни истеъмол қилиб, оилавий заҳарланган.
Натижада улар касалхонага ётқизилиб, кўрсатилган тиббий муолажаларга қарамай 16 ёшли набираси Д.Д. вафот этган. Ҳолат юзасидан суриштирув ишлари олиб борилмоқда.
Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси
