Триатлон бўйича жаҳон чемпионати (World Triathlon Championship Series – 2026) якунланди
Илк бор Самарқанд шаҳрида ўтказилган нуфузли мусобақада 28 дан ортиқ давлатдан 100 нафарга яқин хорижий атлетлар иштирок этди.
43 нафар спортчи иштирок этган “World Triathlon Championship Series – 2026” баҳсларини аёллар ўртасидаги беллашувида Буюк Британиялик Бетҳ Поттер биринчи ўринни қўлга киритди. Иккинчи ўринни фрациялик Леоне Перолт,учинчи ўринни эса Люксембург вакиласи Жанни Леҳар эгаллади.
Эркаклар баҳсида эса 52 нафар атлет ўзаро беллашди. Унда португалиялик атлет Васко Вилажа маҳоратини намойиш этиб, биринчи ўринни эгаллади. Иккинчи ўрин Германия вакили Генри Графга насиб этган бўлса, учинчи ўринни канадалик Чарлез Пакет қўлга киритди. Юртимиз вакили Жереми Куиндос мусобақани 17-ўрин билан якунлади.
Мусобақа ғолиб ва совриндорларини Жаҳон триатлон ташкилоти президенти Антонио Аримани ҳамда Ўзбекистон триатлон федерацияси раҳбари Виктор Маҳмудов тақдирлади.
Эртага, 26 апрель куни паратриатлон бўйича жаҳон кубоги (World Triathlon Para Cup) ҳам ўтказилади. Унда иштирокчилар тоифаси бўйича баҳсларга киришиб, 750 метрга сузиш, 19 километрга велопойга ва 5 километрга югуриш бўйича ўз имкониятларини синовдан ўтказишади.
