Xiaomi компанияси 6G интернет алоқасини синовдан ўтказишни бошлади

Хитойнинг Xiaomi компанияси 6G интернет алоқасини дастлабки синовдан ўтказиш жараёнини бошлади. Бу ҳақда Xiaomi компанияси бош директори Лэй Цзюн маълум қилди.

“Олтинчи авлод алоқа стандартини ривожлантириш учун кенг кўламли йўлдошли интернет тармоғини жорий этиш зарур”, деди Цзюн.

Мутахассисларнинг сўзларига кўра, 6G интернет алоқаси сониясига бир терабайтгача маълумот узатишга қодир бўлади.

Шунингдек, Xiaomi раҳбари компания 5G стандартларини  ривожлантиришни ва шунга мос келадиган смартфонлар ишлаб чиқишни давом эттиришини маълум қилди.