Йил бошидан Ўзбекистон аҳолиси қанчага кўпайди?

Ўзбекистон аҳолиси 2020 йилнинг 1 июль ҳолатига кўра, 34 миллион 191,7 минг кишини ташкил этиб, йил бошидан 286,5 минг кишига ўсган. Бу ҳақда Давлат статистика қўмитаси ахборот хизмати раҳбари маълум қилди.

Таъкидланишича, аҳолининг 17 миллион 195,9 минг кишиси эркаклар ва 16 миллион 995,8 минг кишиси аёлларни ташкил этган.
Жами аҳолидан 17 миллион 301,0 минг киши шаҳар жойларда ва 16 миллион 890,7 минг киши қишлоқ жойларда истиқомат қилмоқда.
6 ой мобайнида 75,5 мингта никоҳ қайд этилган бўлса, 12,8 мингта ажрим ҳолатлари кузатилган.