Зангиотада қарийб 5 килограмм гиёҳвандлик воситасининг ноқонуний айланмасининг олди олинди
Тошкент вилояти Зангиота туманида Давлат хавфсизлик хизмати томонидан ички ишлар ва божхона органлари билан ҳамкорликда амалга оширилган тезкор-қидирув тадбирлари натижасида катта миқдордаги наркотик модда ашёвий далил сифатида олинди.
Аниқланишича, Зангиота тумани ҳудудидан ўтувчи Тошкент катта ҳалқа автомобиль йўлига яқин бўлган хуфия жойга муқаддам наркокурьерлар томонидан қолдириб кетилган, жами 10 дона ўрамдаги 4 килограмм 956 грамм “опий” моддаси холислар иштирокида расмийлаштириб олинган.
Ҳозирда Жиноят Кодексининг 273-моддаси 5-қисми билан жиноят иши қўзғатилиб, ушбу ажал оғуси эгаларининг шахсини аниқлаш бўйича зарур чора-тадбирлар амалга оширилмоқда.
