7 майдан Тошкентдан Мисрга мунтазам авиақатновлар йўлга қўйилади
Uzbekistan Airways 2022 йилнинг 7 майидан бошлаб Ўзбекистон ва Миср ҳудудлари ўртасидаги мунтазам қатновларни йўлга қўйилиши ҳақида хабар қилди.
"Тошкент—Шарм ал-Шайх—Тошкент" янги халқаро йўналиши бўйича парвозлар ҳафтада бир марта, шанба кунлари амалга оширилади.
Самолётлар қуйидаги жадвалга мувофиқ парвоз қилади:
Тошкентдан жўнаб кетиш: 09:00 (Тошкент вақти)
Шарм ал-Шайхга етиб бориш: 11:50 (Шарм ал-Шайх вақти)
Шарм ал-Шайхдан жўнаб кетиш: 13:20 (Шарм ал-Шайх вақти)
Тошкентга етиб бориш: 21:30 (Тошкент вақти)
Авиачипталарни авиакомпаниянинг расмий сайтидан, Uzbekistan Airways Sales филиалидан ёки авиакомпания агентларидан харид қилиш мумкин.
