AirPods қулоқчини қулоқда портлади

Хитой фуқароси телефонда гаплашаётган вақтда AirPods қулоқчини қулоқ ичида портлаб кетди. Бу ҳақда GizmoChina портали хабар берди.

Тақдим этилган маълумотга кўра, Шенчжоу шаҳрида истиқомат қилувчи 23 ёшли фуқаро вазият жабрланувчиси бўлган. Портлаш оқибатида унинг ўнг қулоғи жароҳатланган. Айни вақтда унинг аҳволи яхши эканлиги айтилмоқда. Жабрланувчи фақат ўнг қулоғи яхши эшитмаётганидан шикоят қилган. 

Weibo ижтимоий тармоғида тарқатилган хабарга кўра, фуқаро гаджетни Apple‘нинг ҳамкор дўконларидан бирида сотиб олган. Носоз чиққан қулоқчинлар ўрганиш учун компанияга қайта жўнатилган.

Шунингдек, жабрланган фуқарога маҳаллий қонунда кўрсатилган тартибда товон пули тўланган.