Акрам Шукуров Олий суд раиси ўринбосари этиб сайланди

Олий Мажлис Сенатининг 14-ялпи мажлисида қабул қилинган қарорга кўра, Шукуров Акрам Ғайратович судьялик лавозимида бўлишнинг муддатсиз даврига, шундан беш йил муддатга Олий суд раисининг ўринбосари – судлов ҳайъати раиси этиб сайланди.

Шунингдек, Баҳодир Абдуллаев, Собиржон Эргашев, Бегзод Ҳайдаров, Нозимжон Жўраев ўн йиллик муддатга ҳамда Акмал Муродов ва Одил Нормаҳматов судьялик лавозимида бўлишнинг муддатсиз даврига Олий суднинг судьяси лавозимига сайланди.
Бошқа ишга ўтганлиги муносабати билан Д.Ражабов, К.Толлибоев, А.Элмуродов, Э.Турғунбоев Олий суднинг судьяси лавозимидан озод этилди.