Александр Лукашенко амалдаги ҳукуматни истеъфога чиқарди
Бу ҳақда Беларуснинг марказий “Беларусь 1” телеканали хабар берди.
Ҳукуматни истеъфога чиқариш тўғрисидаги буйруқ 3 июнь куни имзолангани таъкидланмоқда.
“Давлат раҳбарининг ушбу буйруғи у расмий нашр этилганидан сўнг кучга киради”, дея изоҳ берди Беларусь Президентининг матбуот хизмати.
Олдинроқ Лукашенко ҳукуматнинг янги таркибини шакллантириш борасида ишлар олиб борилаётганини таъкидлаган эди. Унинг сўзларига кўра, ҳукуматнинг янги таркибини шакллантириш ишлари олти ой илгари бошланган.
