Али Қушчи илмий мероси дунё олимлари нигоҳида

Аввал хабар берганимиздек, бугун Самарқанд давлат университетида “Али Қушчи – Мирзо Улуғбек илмий мактабининг буюк элчиси” номли халқаро илмий конференция бўлиб ўтмоқда.
Анжуманда Ўзбекистон Фанлар академияси президенти Бекзод Йўлдошев, Математика институти директори Шавкат Аюпов, Астрономия институти директори Шуҳрат Эгамбердиев, шунингдек, Боку давлат университети ректори Элчин Бобоев, Россия квант маркази директори Руслан Юнусов, АҚШ, Туркия, Хитой, Корея, Ҳиндистон ва бошқа давлатлардан келган олимлар иштирок этмоқда.
Сўзга чиққанлар Мирзо Улуғбек ва Али Қушчининг илмий мактаби ва мероси ҳақида маърузалар қилди.

Самарқанд давлат университети ректори Рустам Холмуродов АҚШнинг Далласдаги Техас университети Нанотехнология институти директори ўринбосари Анвар Зоҳидовга университетнинг “Фахрий профессори” унвонини топширди.
Куннинг иккинчи ярмида конференция иши шўбаларга бўлинган ҳолда ўтказилди. Халқаро илмий конференция иши эртага ҳам давом этади.