АҚШда фавқулодда ҳолат: учинчи молиявий инқироз ёқаси. Эрон жанговар шай ҳолатда. Porsche энди танк ва қурол ишлаб чиқаради. Ғазо - матбуот учун энг ҳалокатли жой
🔹 Трамп савдо тақчиллиги хавфи туфайли АҚШда фавқулодда ҳолат эълон қилди. Шу муносабат билан импорт қилинадиган товарларга янги божлар жорий этиб, бу кунни “Озодлик куни” деб атади ва “Американинг олтин даври” бошланганини эълон қилди. Ушбу чора-тадбирлар барча импорт товарлар учун 10 фоиз базавий тарифни, адолатсиз савдо амалиёти билан шуғулланадиган мамлакатларга нисбатан юқори "ўзаро" тарифларни белгилади. Эълон қилинган тарифлар АҚШ савдо сиёсати ва жаҳон иқтисодиётига узоқ муддатли таъсир кўрсатиши мумкин.
🔹 Эрон ҳукумати ҳаво ҳудудини ёпиш ва армияни жанговар шай ҳолатга келтиришга қарор қилди. Қарор АҚШ таҳдидлари ҳамда минтақада ҳам Исроил, ҳам Америка кучларининг фаоллиги ошиши муносабати билан қабул қилинган.
🔹 АҚШ Яманда "сўнгги соатларда" 36 тадан ортиқ зарба берди, қурбонлар бор.
🔹 Венгрия ҳукумати Гаагадаги Халқаро жиноят суди билан ҳамкорликни тўхтатишга қарор қилди.
🔹 Швеция Учинчи жаҳон уруши рўй бериши ҳолатида ядро бункерларини тайёрламоқда. 64 минг бошпана "мудофаа қилишга тайёр" мақомига эга ва 5 миллион уй хўжаликлари ҳужумга тайёр. Бункерлар одамларни портлаш, радиация ва кимёвий қуроллардан ҳимоя қилишга мўлжалланган.
🔹 Машҳур Porsche танк ва қурол ишлаб чиқаришни бошламоқчи. Германияда автомобиль бизнесининг таназзулга учраши туфайли концерн катта йўқотишларни қоплаши ва эътиборни ҳарбий саноатга қаратмоқчи.
🔹 "TRT Global"га кўра, олти ой ичида Ғазода сўнгги 160 йилдаги барча йирик урушлар, жумладан Америка фуқаролар уруши, иккала жаҳон уруши, Корея, Вьетнам, Югославия, Афғонистон ва бошқаларни жамлагандан кўпроқ журналист ҳалок бўлган. Исроилнинг Ғазодаги ҳаракатлари сўнгги 24 соат ичида 77 кишини ҳаётига зомин бўлди.
🔹 Руминия полицияси бельгиялик 64 ёшли актёр Жан Клод Ван Даммга нисбатан одам савдоси, жумладан вояга етмаганлар учун жиноий иш очди. Бир неча руминиялик аёл аввал актёр томонидан эксплуатация қилингани ҳақида шикоят қилган. Актёрга нисбатан эксплуатация қилинган шахс хизматидан фойдаланиш, жиноий гуруҳ тузиш ва одам савдоси бўйича жиноий иш очилган.
Г.Холдорова тайёрлади.
