AQShda favqulodda holat: uchinchi moliyaviy inqiroz yoqasi. Eron jangovar shay holatda. Porsche endi tank va qurol ishlab chiqaradi. G‘azo - matbuot uchun eng halokatli joy

🔹  Tramp savdo taqchilligi xavfi tufayli AQShda favqulodda holat e’lon qildi. Shu munosabat bilan import qilinadigan tovarlarga yangi bojlar joriy etib, bu kunni “Ozodlik kuni” deb atadi va “Amerikaning oltin davri” boshlanganini e’lon qildi. Ushbu chora-tadbirlar barcha import tovarlar uchun 10 foiz bazaviy tarifni, adolatsiz savdo amaliyoti bilan shug‘ullanadigan mamlakatlarga nisbatan yuqori "o‘zaro" tariflarni belgiladi. E’lon qilingan tariflar AQSh savdo siyosati va jahon iqtisodiyotiga uzoq muddatli ta’sir ko‘rsatishi mumkin.

🔹  Eron hukumati havo hududini yopish va armiyani jangovar shay holatga keltirishga qaror qildi. Qaror AQSh tahdidlari hamda mintaqada ham Isroil, ham Amerika kuchlarining faolligi oshishi munosabati bilan qabul qilingan.

🔹  AQSh Yamanda "so‘nggi soatlarda" 36 tadan ortiq zarba berdi, qurbonlar bor.

🔹  Vengriya hukumati Gaagadagi Xalqaro jinoyat sudi bilan hamkorlikni to‘xtatishga qaror qildi.

🔹  Shvetsiya Uchinchi jahon urushi ro‘y berishi holatida yadro bunkerlarini tayyorlamoqda. 64 ming boshpana "mudofaa qilishga tayyor" maqomiga ega va 5 million uy xo‘jaliklari hujumga tayyor. Bunkerlar odamlarni portlash, radiatsiya va kimyoviy qurollardan himoya qilishga mo‘ljallangan.

🔹  Mashhur Porsche tank va qurol ishlab chiqarishni boshlamoqchi. Germaniyada avtomobil biznesining tanazzulga uchrashi tufayli konsern katta yo‘qotishlarni qoplashi va e’tiborni harbiy sanoatga qaratmoqchi.

🔹  "TRT Global"ga ko‘ra, olti oy ichida G‘azoda so‘nggi 160 yildagi barcha yirik urushlar, jumladan Amerika fuqarolar urushi, ikkala jahon urushi, Koreya, Vetnam, Yugoslaviya, Afg‘oniston va boshqalarni jamlagandan ko‘proq jurnalist halok bo‘lgan. Isroilning G‘azodagi harakatlari so‘nggi 24 soat ichida 77 kishini hayotiga zomin bo‘ldi.

🔹  Ruminiya politsiyasi belgiyalik 64 yoshli aktyor Jan Klod Van Dammga nisbatan odam savdosi, jumladan voyaga yetmaganlar uchun jinoiy ish ochdi. Bir necha ruminiyalik ayol avval aktyor tomonidan ekspluatatsiya qilingani haqida shikoyat qilgan. Aktyorga nisbatan ekspluatatsiya qilingan shaxs xizmatidan foydalanish, jinoiy guruh tuzish va odam savdosi bo‘yicha jinoiy ish ochilgan.

G.Xoldorova tayyorladi.