АҚШда коронавирус билан боғлиқ муҳим янгилик яратиш арафасида турган олим отиб ўлдирилди
Коронавирус инфекцияси билан боғлиқ изланишлар олиб бораётган Питтсбург университети мутахассиси Бин Лю ўлик ҳолда топилди, деб хабар берди People журнали.
Нашриётнинг маълум қилишича, 37 ёшли мутахассиснинг жонсиз танаси шанба топилган. Бироқ бу ҳақдаги маълумот кенг оммага энди маълум қилинган. Бин Люни ўлдирганликда гумон қилинаётган қотил ҳам ўз автомобилида ўлик ҳолда топилган. Полициячиларнинг тахминига кўра, у ўз жонига қасд қилган.
“Бин коронавирус инфекцияси билан боғлиқ муҳим янгилик яратишга яқин турганди”, дея таъкидлади марҳум мутахассиснинг ҳамкасби.
Унинг ҳамкасблари Бин бошлаган ишни якунига етказишга ваъда беришди.
