Avtobus yo‘lagida qoida buzganlar 1 mln 125 ming so‘m jarima to‘laydi
Ma’muriy javobgarlik to‘g‘risidagi kodeksga kiritilayotgan o‘zgartish bilan jamoat transporti uchun alohida ajratilgan yo‘laklarda harakatlanish qoidalarini buzganlik uchun javobgarlik ko‘zda tutilmoqda.
Bu haqdagi tegishli qonun loyihasi parlamentda muhokama qilindi. Unga ko‘ra, bunday harakatni birinchi marta sodir etganlik uchun – bazaviy hisoblash miqdorining 3 baravari (1 mln 125 ming so‘m) miqdorida, bir yil davomida takroran sodir etilgan bo‘lsa – bazaviy hisoblash miqdorining 5 baravari (1 mln 875 ming so‘m) miqdorida jarima belgilanmoqda.
Qonun loyihasi kuchga kirishi uchun Oliy Majlis quyi palatada qabul qilinib, Senat tomonidan ma’qullanishi hamda Prezident tomonidan imzolanishi kerak.
