Бошқирдистонлик тадбиркорлар самарқандлик ишбилармонлар билан ҳамкорлик қилади

Россия Федерациясининг Бошқирдистон Республикаси Савдо-саноат палатаси раиси Тимур Ҳакимов раҳбарлигидаги делегация Самарқандга келди.

Делегация аъзоларига вилоят ҳокимининг ўринбосари О.Ходжаев ҳамроҳлик қилди.

Дастлаб Савдо-саноат палатаси Самарқанд вилоят ҳудудий бошқармасида Бошқирдистон Республикаси тадбиркорлик субъектлари ва маҳаллий тадбиркорлар ўртасида В2В форматида ҳамкорлик учрашувлари ташкил этилди. Унда томонларнинг ўзаро имкониятлари, миграция масаласидаги жараёнлар ўрганилди.

Ҳамкорлик учрашувлари давомида икки давлат ишбилармонлари ўртасида келгусида ҳамкорлик қилиш юзасидан келишувлар амалга оширилди.

Савдо-саноат палатаси Самарқанд вилоят ҳудудий бошқармаси ахборот хизмати.