Бугун туғилган кун: Муайяна Хўжаева

Ўзбекистонда хизмат кўрсатган журналист Муайяна Хўжаева 1941 йил 6 июлда Самарқанд шаҳрида туғилган.

Самарқанд тумани Боғибаланд қишлоғидаги 10-мактабда илк таълимни олгач, кейинчалик 6-ўрта таълим мактабида ўқиган. Сўнгра Самарқанд давлат университетининг филология факультетини битириб, Тошкент шаҳридаги “Ўзбекистони Сурх” (кейинчалик “Ҳақиқати Ўзбекистон”) ва ҳозирда “Овози тожик” республика газетасида таржимон, адабий ходим бўлиб ишлаган.

Шунингдек, республика радиосида тожик тилида диктор вазифасида фаолият кўрсатган.
1991 йил нафақага қадар “Овози тожик” газетасининг Самарқанддаги махсус мухбири бўлиб фаолият кўрсатган. Бир вақтда СТВ телеканалининг тожик таҳририятида муҳаррир бўлган.
1992 йилда "Ўзбекистонда хизмат кўрсатган журналист" унвонига сазовор бўлган Муайяна Хўжаева “Ризвон эрур Ватан”, “Тожи шараф”, “Армуғони яваслий”, “Матонат” китобларини чоп эттирган.