Бугун туғилган кун: Ўзбекистон халқ артисти Таънаберди Қурбонов

Т.Қурбонов 1935 йил 8 августда Паст Дарғом туманидаги Арабхона қишлоғида туғилди.

Самарқанд давлат университети ҳамда Тошкент театр ва рассомчилик институтида таҳсил олди. Самарқанд вилоят давлат мусиқа ва драма театрида актёр, сўнгра 25 йил директор ҳамда бадиий раҳбар бўлиб ишлади. “Отелло” трагедиясида Отелло, “Қиёмат қарз” асарида Сулаймон ота, “Мирзо Улуғбек” драмасида Улуғбек роллари билан мамлакатга танилди. Режиссёр сифатида 20 га яқин асарлар саҳналаштирди, театр санъатига оид 100 га яқин мақола, битта китоб ёзди.

1974 йилда Ўзбекистонда хизмат кўрсатган артист, 1978 йилда Ўзбекистон халқ артисти, 2000 йилда “Эл-юрт ҳурмати” ордени соҳиби бўлди.

Таънаберди Қурбонов 2015 йилда 80 ёшида вафот этди.

Дарвоқе, Ўзбекистон миллий телерадиокомпаниясининг маданият ва маърифат телеканали 2020 йилда Таънаберди Қурбоновнинг 85 йиллиги муносабати билан "Дадажоним" фильмини яратди.