Булунғурда 288 дона кучли таъсир қилувчи дори воситалари ушлаб қолинди

Вилоят божхона бошқармасининг контрабандага қарши курашиш бўлими ҳуқуқ-тартибот идоралар ходимлари билан ҳамкорликда Булунғур тумани “Юқори нуқта” ЙПХ масканида кучли таъсир қилувчи воситаларни ноқонуний айланмасини олдини олиш юзасидан тезкор тадбирлари ўтказилди.
Тадбир давомида "Наманган-Самарқанд" йўналишида ҳакакатлаётган “Lasetti” автотранспорт воситаси тўхтатилиб, йўловчи сифатида кетаётган фуқаронинг қўл юклари кўздан кечирилган. Сумка ичидан 288 дона “Зардекс” номли кучли таъсир қилувчи дори воситалари борлиги аниқланди.
Ҳозирда мазкур ҳолат юзасидан терговга қадар текширув ҳаракатлари олиб борилмоқда.