Булунғурда ноқонуний йўл билан салкам 9 тонна рангли металл парчаларини олиб кетаётган шахс ушланди
Қайд этилишича, вилоят божхона бошқармасининг контрабандага қарши курашиш бўлими ходимлари томонидан рангли металларни ноқонуний айланмасига қарши курашиш йўналишида Булунғур туманида тезкор тадбир ўтказилган.
Фуқаро П.Б. бошқарувидаги "ISUZU" русумли юк машинаси тўхтатилиб, белгиланган тартибда назоратдан ўтказилганда, автомашина юкхонасида тегишли ҳужжатлари бўлмаган, қиймати 20,2 миллион сўмлик, умумий оғирлиги 8790 килограмм рангли металл парчалари яширилганлиги аниқланган.
Ҳозирда ҳолат юзасидан божхона органлари томонидан суриштирув ҳаракатлари давом эттирилмоқда.
