Буюк Британия бош вазири оиласи бизнеси билан боғлиқ маълумотларни яширганликда гумонланмоқда

Мамлакат парламенти Бош вазир Риши Сунак устидан тергов бошлади. Депутатлар манфаатлар можароси ва бизнес ҳақидаги маълумотларни яширишда гумон қилмоқда.

Бош вазирнинг рафиқаси болаларга қарайдиган компанияда улушга эга. Лондонда йил бошида бундай компанияларга давлат субсидияси масаласи муҳокама қилинганида, Сунак аслида унинг оиласи бу масалада манфаатдор томон эканлиги ҳақида индамаганлиги айтилмоқда.