«Centrum Air» хусусий авиакомпаниясининг илк самолётлари «Тошкент» аэропортига келиб қўнди
18 январь куни «Centrum Air»нинг иккита самолёти «Тошкент» халқаро аэропортига келиб қўнди. Airbus A320-232 компаниянинг биринчи йўловчи самолётлари бўлди.
«Centrum Air» ўзини лоукостер сифатида таништирган бўлиб, арзон ички ва ташқи ташувларни амалга ошириш ҳамда рақобатбардош сифатга эришишни мақсад қилган.
«My Freighter» хусусий юк компанияси томонидан ташкил қилинган авиаташувчи яқин келажакда яна бир йўловчи борти — Boeing 737 ни сотиб олишни режалаштирган.
