Жиззах йўлида янги туғилган чақалоқ ташлаб кетилди
Жиззах вилоятидаги йўл четига ташлаб кетилган чақалоқ топилди. Янги туғилган чақалоқ оқ матога ўралган бўлиб, дарахт яқинида қолдирилган эди. Бу ҳақда ОАВ хабар тарқатмоқда.
«Нексия» автомобилининг 22 ёшли ҳайдовчиси ўтиб кетаётганда болани кўриб қолади ва ўша ердаги яқин касалхонага олиб боради.
Қизча кўрсатилган тиббий ёрдамга қарамасдан, вафот этган.
Ҳозирда ушбу ҳолат юзасидан 117 (хавф остида қолиш) моддаси бўйича жиноят иши қўзғатилган.
Ҳуқуқни муҳофаза қилиш органлари ходимлари чақалоқнинг онасини қидиришмоқда.
