Чет элдаги Ўзбекистон фуқаросида коронавирус аниқланди
Айни дақиқаларда АОКА ҳузуридаги штабда Ташқи ишлар вазирлиги ахборот хизмати раҳбари Авазбек Хаджиметов иштирокида брифинг онлайн ўтказилмоқда.
Маълум қилинишича, хориждаги фуқароларимиз орасида янги турдаги коронавирусга чалинган 1 та ҳолат қайд этилган бўлиб, ушбу бемор ҳозирда Австрияда карантинга олинган. Аҳволи яхши ва касалликнинг енгил формаси ташхиси қўйилган. Вазият элчихонамизнинг доимий назоратида.
Эслатиб ўтамиз, 26 март 16:00 ҳолатига кўра, Ўзбекистонда 65 нафар инсонда коронавирус инфекцияси аниқланган.
