Дерматолог маникюр хавфи ҳақида
Ультрабинафша чироқ ёрдамида маникюр қилиш тирноқ пластинкаси касалликларига олиб келиши мумкин, бундан ташқари, лакнинг ўзи, шунингдек уни олиб ташлаш техникаси хавфлидир. Бу ҳақда россиялик дерматолог-врач онколог Анжелина Тону огоҳлантиради.
"Дунёдаги кўплаб шифокорлар маникюрда қўлланиладиган ультрабинафша чироқнинг қисқа муддатли таъсири тирноқ касалликларини келтириб чиқаришидан ҳайратда. Гель-лак бўяшда ультрабинафша тирноқ меланомасига олиб келиши ҳақида расмий далиллар бўлмаса-да, қопламали маникюр пайтида, тирноқ шикастланиши аниқ. Шунингдек, замбуруғли ёки онихолизисли шикастланиш – тирноқ пластинаси ажралишига сабаб бўлиши мумкин", - деб огоҳлантирди мутахассис.
Бундан ташқари, мунтазам нурланиш қўл терисининг эрта қариши ва пигментацияни келтириб чиқаради. Дерматологнинг таъкидлашича, меланин субунгуал пигментацияси ва бошқа тирноқ ва тери касалликларида ультрабинафша нурда гель-лак ва шеллак билан бўяш мумкин эмас.
"Нафақат ультрабинафша, балки лакнинг ўзи, шунингдек, уни олиб ташлаш техникаси ҳам зарарлидир. Бунда гель-лакни эговлашда аллергик реакция, бронхиал астма ва бошқа асоратларни келтириб чиқариши мумкин бўлган турли кимёвий бирикмаларни ўз ичига олган чанг ўпкага киришини ҳам унутмаслик керак”, - дея огоҳлантирди Тону.
Унинг сўзларига кўра, мунтазам равишда тирноқни гель ва лаклар билан қоплаб юрувчилар заифлашган, мўрт тирноқ ва оғриқ орттиради.
Г.Холдорова тайёрлади.
