"Дўстлик уйи"да дўстлар бирлашди
Самарқанд шаҳридаги Нодавлат нотижорат ташкилотлари ва "Дўстлик уйи"да давлат органлари, жамоат бирлашмалари, миллий маданий марказлар ҳамда дин вакиллари, шунингдек, шу соҳада самарали меҳнат қилган бир гуруҳ ходимларга «Ўзбекистон Республикаси мустақиллигининг 30 йиллиги» эсдалик нишонини топширишга бағишланган тадбир ўтказилди.
Эсдалик нишонларни ўз эгаларига вилоят ҳокимининг ўринбосари Д.Мамадқулов топшириб, байрам билан табриклади ва келгусидаги фаолиятига омад тилади.
– Бундай эътибор биз каби ёшларни янада руҳлантириш баробарида тинимсиз самарали ишлашга ундайди, – дейди Ўзбекистон нодавлат нотижорат ташкилотлари миллий ассосацияси Самарқанд вилоят ҳудудий бўлинмаси бошлиғи Шоим Кенжаев. – Келгусида Ватанимиз, халқимиз олдида бундан-да тинимсиз меҳнат қилишга доим тайёрмиз.
