Дунёдаги энг улкан дирижабль энди тўлиқ электр токида ишлайди

Hybrid Air Vehicles компанияси жаҳонда энг катта дирижабль - Airlander 10 ни яратганлиги билан оламга машҳур. Тўғри, у жорий йил бошида серияли ишлаб чиқаришдан тўхтатилган эди. Унга сабаб, нархи жуда қиммат бўлиб, ундан фақат ҳарбийлар фойдаланишган. Энди эса улкан дирижаблдан фуқаролик мақсадларида фойдаланишга қарор қилинди. Мазкур компания 1,4 миллион АҚШ доллари миқдорида грантни қўлга киритгач, улкан дирижаблнинг янги варианти атроф-муҳитга зарарсиз бўлган электр токи билан ҳаракатга келишини маълум қилишди.

Collins Aerospace компанияси ва Ноттингем университети томонидан ажратилган ушбу маблағлар 500 киловатт электр токи ишлаб чиқарувчи ускуналар учун сарфланади. Электрга ўтиш орқали бутун дунёда дирижаблларнинг дизель ёқилғисидан воз кечиши учун ташланган илк қадам бўлди. Аэродинамик хусусиятлари ва кўп миқдордаги гелий моддасига эга янги машина ўзидек кучга эга бўлган ўтмишдошларига қараганда камроқ электр сарфлайди.

Hybrid Air Vechies бош директори Стивена МакГленнаннинг сўзларига қараганда, янги лойиҳа инсониятни ўз орзулар томон яқинлаштирар экан. У осмонда секин хоҳлаган тезликда ҳаракат қилган ҳолда кўп вазифаларни амалга ошришга имконият яратади. Масалан, ер юзининг маълум бир минтақасида кузатувлар олиб бориш, юк ташиш ҳамда саёҳат қилишга жуда қулай бўлади.

Аммо, Airlander 10 нинг эски варианти 6 марта синов мақсадларида учирилган бўлиб, икки марта ҳалокатга учраган.

Дил МУРОД тайёрлади.