«Эль Менчо» йўқ қилингач, Мексикада зўравонлик авж олди

«Янги авлод Халиско» картели раҳбари, наркобарон Немесио Осегера Сервантес («Эль Менчо») йўқ қилинганидан сўнг Мексикада зўравонлик авж олди. Жиноятчилар машиналарни ёқмоқда, йўлларни тўсмоқда. Воқеалар Пуэрто-Вальяртадан Канкунгача давом этмоқда. Халиско аэропортлари рейсларни вақтинча тўхтатди, хавфсизлик чоралари кучайтирилди. Армия ва миллий гвардия кучлари жалб этилган.

АҚШ ҳукумати “Эль Менчо” учун 15 миллион долларлик мукофот эълон қилган эди. 2017 йилдан бошлаб у наркотик моддалар савдосида бир неча бор сиртдан айбланган, хорижий террор ташкилоти рўйхатига киритилган.

Операция давомида “Эль Менчо”нинг етти нафар аъзоси нобуд қилинган, икки киши қўлга олинган.

АҚШ давлат котиби ўринбосари Кристофер Ландау “Эль Менчо”ни «энг қонли ва қўрқмас наркобаронлардан бири» деб атади ва унинг йўқ қилиниши «Мексика, АҚШ ва Лотин Америкаси учун катта воқеа» эканини таъкидлади.