Мексика мигрантларни мамлакат орқали ўтказишни вақтинча тўхтатди
Мексика Миллий Миграция Институти (ММИ) АҚШ иммиграция қоидаларига киритилган ўзгаришлар муносабати билан келаётган муҳожирларга транзит рухсатномаларини беришни тўхтатди, деб хабар берди Formula радиоси.
Қўшма Штатлар собиқ президент Дональд Трамп даврида жорий этилган расмийларга коронавирус билан касалланиш хавфи юқори бўлган ҳудудлардан келган муҳожирларни чиқариб юбориш имконини берган 42-бўлим қоидасининг амал қилиш муддатини 11 май куни тўхтатди. Шу фонда федерал ҳукумат Мексика билан чегарага 1,5 минг ҳарбийни жойлаштиришга қарор қилгани маълум бўлди. Байденнинг айтишича, мажбуран депортация қилиш қоидалари тугаши билан мамлакат жанубий чегараси “хаос”га айланади.
Ҳужжатга киритилган ўзгартиришлар ва Мексика томонидаги айрим миграция марказларининг ёпилиши АҚШга йўл олган мигрантларни жойлаштириш учун жойлар етишмаслиги сабабли инсон ҳуқуқларининг бузилишига олиб келиши мумкинлиги айтилмоқда.
Май ойи бошида АҚШ ички хавфсизлик ва адлия департаментлари мамлакатга қочқинлар оқимини тўхтатишга умид қилиб, Америка чегарасини ноқонуний кесиб ўтган тақдирда "бошпана бермаслик презумпцияси"ни белгиловчи янги қоидани эълон қилди. Ушбу чора одам контрабандаси тармоқларига қарши курашиш мақсадида ишлаб чиқилган ва 11 майдан кучга кирди. Ўз мамлакатида таъқиби ҳақида маълум қилмаган ва ноқонуний равишда Қўшма Штатларга келган муҳожирлар Америка қонунчилигининг янги талаби доирасида дарҳол депортация қилинади.
Байден маъмурияти даврида АҚШнинг жанубий чегарасига рекорд миқдордаги муҳожирлар келган, уларнинг оқими 2021 ва 2022 йил рекордларини янгилаган ва 2,3 миллион кишидан ошган. АҚШ расмийлари 2023 молия йилида 1,2 миллиондан ортиқ муҳожирга дуч келишларини айтган. Бошқа маълумотларда Байден президентлик даврида АҚШга кириб келган ноқонуний муҳожирлар сонини 6 миллиондан ортиқ киши деб ҳисобланмоқда.
