Meksika migrantlarni mamlakat orqali o‘tkazishni vaqtincha to‘xtatdi
Meksika Milliy Migratsiya Instituti (MMI) AQSh immigratsiya qoidalariga kiritilgan o‘zgarishlar munosabati bilan kelayotgan muhojirlarga tranzit ruxsatnomalarini berishni to‘xtatdi, deb xabar berdi Formula radiosi.
Qo‘shma Shtatlar sobiq prezident Donald Tramp davrida joriy etilgan rasmiylarga koronavirus bilan kasallanish xavfi yuqori bo‘lgan hududlardan kelgan muhojirlarni chiqarib yuborish imkonini bergan 42-bo‘lim qoidasining amal qilish muddatini 11 may kuni to‘xtatdi. Shu fonda federal hukumat Meksika bilan chegaraga 1,5 ming harbiyni joylashtirishga qaror qilgani ma’lum bo‘ldi. Baydenning aytishicha, majburan deportatsiya qilish qoidalari tugashi bilan mamlakat janubiy chegarasi “xaos”ga aylanadi.
Hujjatga kiritilgan o‘zgartirishlar va Meksika tomonidagi ayrim migratsiya markazlarining yopilishi AQShga yo‘l olgan migrantlarni joylashtirish uchun joylar yetishmasligi sababli inson huquqlarining buzilishiga olib kelishi mumkinligi aytilmoqda.
May oyi boshida AQSh ichki xavfsizlik va adliya departamentlari mamlakatga qochqinlar oqimini to‘xtatishga umid qilib, Amerika chegarasini noqonuniy kesib o‘tgan taqdirda "boshpana bermaslik prezumpsiyasi"ni belgilovchi yangi qoidani e’lon qildi. Ushbu chora odam kontrabandasi tarmoqlariga qarshi kurashish maqsadida ishlab chiqilgan va 11 maydan kuchga kirdi. O‘z mamlakatida ta’qibi haqida ma’lum qilmagan va noqonuniy ravishda Qo‘shma Shtatlarga kelgan muhojirlar Amerika qonunchiligining yangi talabi doirasida darhol deportatsiya qilinadi.
Bayden ma’muriyati davrida AQShning janubiy chegarasiga rekord miqdordagi muhojirlar kelgan, ularning oqimi 2021 va 2022 yil rekordlarini yangilagan va 2,3 million kishidan oshgan. AQSh rasmiylari 2023 moliya yilida 1,2 milliondan ortiq muhojirga duch kelishlarini aytgan. Boshqa ma’lumotlarda Bayden prezidentlik davrida AQShga kirib kelgan noqonuniy muhojirlar sonini 6 milliondan ortiq kishi deb hisoblanmoqda.
