Андроид қурилмалар учун Zarnews.uz мобил иловаси. Юклаб олиш x

Энди талаба давлат имтиҳонидан йиқилса, бир йилда икки марта имтиҳон топшириши мумкин

Адлия вазирлиги ахборот хизмати хабар беришича, вазирлик томонидан Олий ва ўрта махсус таълим вазирининг "Ўзбекистон Республикаси олий таълим муассасалари битирувчиларининг якуний давлат аттестацияси тўғрисидаги Низом"га ўзгартиришлар киритишни назарда тутувчи буйруғи давлат рўйхатидан ўтказилди.

Унга кўра, якуний давлат аттестация синовидан ўта олмаган талаба кейинги ҳар бир ўқув йилида (3 йил давомида) ўз аризасига мувофиқ, 2 мартагача имтиҳонни қайта топшириш ҳуқуқига эга.

Олдинги тартиб бўйича битирувчи якуний давлат аттестацияси синовидан ўта олмаган тақдирда кейинги йилларда қайта топшириш ҳуқуқига эга эди. Ушбу ҳолат талаба учун бирмунча қийинчиликлар, хусусан, унинг бир йиллик қимматли вақтини мақсадли сарфлай олмаслигига сабаб бўлиб келган.

Эндиликда талабалар томонидан қайта топшириш тўғрисидаги аризалар йиғилишига қараб бир ўқув йилда икки мартагача давлат имтиҳонларини қайта топшириш имконияти яратилди.