Фирдавс Абдухолиқов Ўзбекистон электрон оммавий ахборот воситалари миллий ассоциацияси раислигидан кетди
“Сабрия” сериали билан боғлиқ муҳокамалар ортидан Кинематография агентлиги бош директори Фирдавс Абдухолиқов ўз хоҳишига кўра Ўзбекистон электрон оммавий ахборот воситалари миллий ассоциацияси раислигидан кетди.
Абдухолиқов ўрнига Халқаро пресс-клуб раиси ва Журналистика ва оммавий коммуникациялар университети ректори Шерзодхон Қудратхўжа сайланган.
Бу ҳақда UzReport хабар бермоқда.
Манбага кўра, айни пайтда Ўзбекистон электрон оммавий ахборот воситалари миллий ассоциацияси аъзоларининг умумий йиғилиши бўлиб ўтмоқда. Ассоциацияси раиси Фирдавс Абдухолиқов йиғилишда ўз лавозимидан озод этишни сўраган. Ариза қаноатлантирилган.
Хабарларга кўра, ассоциация янги раис этиб тайинланиши муносабати билан Шерзодхон Қудратхўжа Халқаро пресс-клуб раислигидан кетган. Лекин университет ректори сифатида ҳам фаолиятини давом эттириши маълум қилинган.
