Германия мудофаа вазири истеъфога чиқишини маълум қилди

Германия мудофаа вазири Кристина Ламбрехт душанба куни Германия канцлери Олаф Шолцга ўз лавозимини тарк этиш истаги ҳақида хабар берди, деб хабар бермоқда Bloomberg.

“Бугун мен канцлердан мени бу вазифалардан озод этишни сўрадим”, — дея агентлик сўзларини келтирган Ламбрехт.

Ўз навбатида, Frankfurter Allgemeine Zeitung газетаси мудофаа вазири лавозимида Ламбрехт ўрнига ким келиши ҳозирча маълум эмаслигини таъкидлайди. Хусусан, унинг мумкин бўлган ворислари орасида Германия Социал-демократик партияси ҳамраиси Ларс Клингбейл, Меҳнат вазири Хубертуса Хайл ва Бундестагнинг ҳарбий ишлар бўйича комиссари Ева Хёгл бор.

Нашрнинг қайд этишича, Ламбрехтнинг мудофаа вазири сифатидаги фаолияти бир неча ой давомида, жумладан, Бундесвер учун жиҳозлар секин харид қилинаётгани ва тажриба етишмаслиги туфайли танқид қилинган.

Шу билан бирга пайшанба куни Пентагон раҳбари Ллойд Остин Берлинга ташриф буюриши кутилмоқда. 20 январь куни АҚШнинг Рамштайн авиабазасида бир қатор давлатлар мудофаа идоралари вакилларининг Украинага ҳарбий ёрдам кўрсатиш масаласи бўйича учрашуви режалаштирилган.