Гулистонликлар нидоси: Эски бўлсаям биномиз бор эди
Уни апрель ойида бузиб, қурилиш материалларини олиб кетишди. Ҳадемай янги ўқув йили бошланади, аммо пойдевор ҳам қўйилмади.
Пайариқ туманидаги 44-мактабдан келган бу мурожаатда яна қуйидагилар ҳақида "ёзғиришган:
"Биз Пайариқ тумани Гулистон маҳалласида яшаймиз. Маҳалламизда 1963 йил қурилган мактаб биноси бор эди. Фарзандларимиз шу эски мактабда ўқиётган эди. 2022 йил апрель ойида эски бинони янги мактаб қурамиз деб бузиб олиб кетишди. Бизга 300 ўринли мактаб биноси ва спорт залини қуришга ваъда қилишган эди. Aммо ҳалигача қурилгани йўқ.
Бундан олдин ҳам мактабимизда спортзал, фаоллар зали, ошхона ва махсус синф хоналар йўқ эди..."
