Ижтимоий ҳимояга муҳтож оила фарзандлари учун мактаб дарсликларини беришда имтиёз борми?

АОКАда Адлия вазирлиги ахборот хизмати раҳбари Севара Ўринбоева иштирокида бўлиб ўтган брифингда ижтимоий ҳимояга муҳтож оила фарзандларига дарслик тўпламларини бериш тартиби ҳақида маълумот берилди.

Маълум қилинишича, умумтаълим мактабларининг биринчи синф ўқувчилари, Меҳрибонлик уйи, махсус мактаб, мактаб-интернат тарбияланувчилари ва ижтимоий ёрдамга муҳтож оила фарзандлари мактабнинг кутубхона жамғармаси томонидан дарсликлар тўплами билан бепул таъминланади.

- Бунда ижтимоий ёрдамга муҳтож оилалар ўқувчилари рўйхати 1 сентябргача фуқаролар йиғини илтимосномаси ва ота-оналар қўмитаси хулосаси асосида мактабнинг педагогик кенгаши томонидан тасдиқланади, — деди Севара Ўринбоева.