Иккинчи жаҳон уруши фахрийлари учун бепул авиачипталар имтиёзи тақдим этилди

"Uzbekistan Airways" томонидан 7 майдан 15 майга қадар Иккинчи жаҳон уруши қатнашчиларига, уларга тенглаштирилган шахсларга барча ички йўналишларга, Ўзбекистон Республикасидан МДҲ давлатларига, шунингдек, Грузияга бориш ва қайтиш парвозлари учун бепул авиачипталар тақдим этилди.

Шунингдек, уларга ҳамроҳлик қилаётган фуқароларга ҳам бепул авиачипта тақдим этилади.

Авиачиптанинг амал қилиш муддати - 1 ой. Бепул авиачипта олиш учун тегишли гувоҳнома ва ҳарбий билетни тақдим этилиши керак.