Ikkinchi jahon urushi faxriylari uchun bepul aviachiptalar imtiyozi taqdim etildi
"Uzbekistan Airways" tomonidan 7 maydan 15 mayga qadar Ikkinchi jahon urushi qatnashchilariga, ularga tenglashtirilgan shaxslarga barcha ichki yo‘nalishlarga, O‘zbekiston Respublikasidan MDH davlatlariga, shuningdek, Gruziyaga borish va qaytish parvozlari uchun bepul aviachiptalar taqdim etildi.
Shuningdek, ularga hamrohlik qilayotgan fuqarolarga ham bepul aviachipta taqdim etiladi.
Aviachiptaning amal qilish muddati - 1 oy. Bepul aviachipta olish uchun tegishli guvohnoma va harbiy biletni taqdim etilishi kerak.
