Inson resurslarini boshqarish faoliyatini raqamlashtirishda sustkashlikka yo‘l qo‘ygan shaxslarga chora ko‘rildi

Davlat xizmatini rivojlantirish agentligi tomonidan "Davlat fuqarolik xizmati to‘g‘risida"gi qonun va boshqa hujjatlar ijrosini ta’minlash maqsadida xorijiy ilg‘or tajribalardan kelib chiqib vazirlik va idoralar hamda mahalliy ijro hokimliklaridagi inson resurslarini boshqarish faoliyatini to‘liq raqamlashtirish maqsadida hrm.argos.uz  — inson resurslarini boshqarishning yagona elektron axborot tizimi joriy etilgan.

Natijada vakant lavozim uchun o‘tkazilayotgan tanlovdan tortib, kadrlarga oid barcha hujjatlarni yuritish faqatgina hrm.argos.uz platformasida amalga oshiriladigan bo‘ldi.

Buning uchun platforma vacancy.argos.uz, zaxira.argos.uz, samaradorlik.uz, e-qaror.gov.uz, e-huquqshunos.uz dasturiy ta’minotlar bilan integratsiya qilindi. Shuningdek, my.mehnat.uz, edo.ijro.uz va UzASBO tizimlariga hujjatlar avtomatik ravishda yuborilishi ta’minlandi.

Davlat organlarida hrm.argos.uz elektron platformasini yuritish tartibi Vazirlar Mahkamasining qarori bilan tasdiqlanib, 2023 yil 1 noyabrdan boshlab HRga oid barcha hujjatlarni hrm.argos.uz platformasida shakllantirish va yuritish uchun davlat organlari rahbarlarining shaxsan mas’ulligi belgilangan.

2024 yilning o‘tgan 6 oyi davomida o‘tkazilgan monitoring natijasiga ko‘ra, belgilangan qaror talablariga rioya qilmagan hamda sustkashlikka yo‘l qo‘ygan Zarafshon irrigatsiya tizimlari havza boshqarmasi huzuridagi 5 ta viloyat boshqarma boshliqlari, Veterinariya va chorvachilikni rivojlantirish boshqarmasining 13 ta, Maktabgacha va maktab ta’limi boshqarmasining 8 ta hamda Sanitariya-epidemiologik osoyishtalik va jamoat salomatligi boshqarmasining 9 ta tuman (shahar) bo‘lim boshliqlari, jami 35 nafar rahbarlar 64,6 mln so‘m miqdorda ma’muriy jarimaga tortildi, deya xabar berilmoqda agentlik rasmiy sahifasida.