Иштихонда 5 млрд. сўмлик ортиқ қалбаки акциз маркали алкоголь ва тамаки маҳсулотлари савдоси аниқланди
Ҳолат Бош прокуратура ҳузуридаги Департамент вилоят бошқармаси ва ИИБ ходимлари ҳамкорлигида ўтказилган тезкор тадбирда фош этилган. Фуқаро Д.С. Иштихон тумани, “Ғ.Ғулом” МФЙ ҳудудидаги бинода турли номдаги умумий баҳоси 5 млрд. 192 млн. сўмлик 133 893 дона қалбаки акциз маркали алкоголли маҳсулотлар ва 2 турдаги 4 730 қути тамаки маҳсулотларини қонунга хилоф равишда сотиш мақсадида сақлаб келаётганлиги аниқланиб, ушбу маҳсулотлар ашёвий далил сифатида олинган.
Мазкур ҳолат юзасидан жиноят иши қўзғатилиб, тергов ҳаракатлари ўтказилмоқда.
